街邊檔車仔麵 (已結業)

五月四日(日)今日又同老婆出左旺角度准备好一整天行程，下午就去左尼档车仔面度食，尼档车仔面个人觉得唔错，因为食量大，尼度加多$5就可以加底，仲真系俾足两份面你，绝对唔系象征式个碗大小小面多DD果种，非常唔错~今日午餐唔太饿，所以只叫了一份面:我：油面、生菜、牛腩、猪肠、鱼皮鲛老婆：米线、生菜、牛肚、猪红、肠仔油面油面系我食车仔面最爱既面底，个人觉得佢配合腩汁汤底仲好食过拉面~汤底有腩汁同辣汁非常好味，味道浓郁，够香~ 送面一流~牛腩炆得几淋，但爽爽地，唔系正中间既腩，腩汁味道几好，好味~猪肠较肥，但味道一流，亦系本人车仔面必叫既𩠌牛肚剪得细条，无咁好口感，但味道几好，几淋几入味，都唔错~鱼皮鲛唔多得，皮小硬，成旧饺实实地，味道一般~ 走时候见到应该系批发买番黎货式猪红食落几够味，亦几好味，不过都系有D担心卫生情况~生菜、肠仔咪就系烚生菜同肠仔~ ~"尼度$5一款𩠌唔算贵，加底就超底添~ 但系唔知点解得鸡尖无鸡翼之前都好似有..... 如果面底可以有埋公仔面拣就太好~尼间车仔面绝对比挂住大大只车仔面牌附近既"极X好"茶餐厅抵同好食~听讲花园街明记好掂，得闲过去试试先！