グリル滿天星

营业中

休息中

块汉堡扒劲厚，煎得好香口，但系一啲都唔柴，好多肉汁。个蛋都好嫩，入面包嘅系番茄酱炒饭，食食下估唔到饭入面仲有啲细细粒嘅带子，有惊喜，上面淋嘅肉汁浓郁得嚟又唔会太抢，食落去所有嘢都配合得啱啱好。杯士多啤梨奶昔系跟推荐嗌嘅，首先个卖相已经好靓，饮落去唔系𠮶种好假好化学嘅士多啤梨味，都几唔错。原本以为可能会份量细唔够食，点知食完之后超级饱，整体嚟讲系好食嘅，值得一试，唯一嘅缺点就系价钱都几贵，净系个饭都已经差唔多$200。