三星台菜食堂 (新城市廣場一期) (已結業)

沙田好多唔同嘅餐厅选择 其中呢间台湾菜真系第一次试 原本冇乜期望 但结果 都几满意！推荐午餐价钱尚可接受 唔算特别贵 性价比还好 包餐饮 跟餐饮品选择颇多 台式饮品都唔系加太多钱 不错讲到食物方面 唔记得系午餐定系下午茶时段 跟餐配一碗牛肉汤 非常浓郁 类似牛肉面嘅汤底 好饮 够味 唔会敷衍了事 我叫咗盐酥鸡排鲁肉饭 鸡排份量大 一个人食唔晒 炸得好酥脆 亦好够味 肉亦松软 唔会比炸粉搞到冇晒鸡肉味！配上鲁肉饭 好食 鲁肉饭比较大粒 鲁肉份量适中 有少少肥肉 但唔系太够味 但加上鸡排 唔会太咸 反而更好！值得一试