新花清湯腩餃子專門店

营业中

休息中

呢间舖头开咗好耐，不过地方好隔涉！间舖头就喺佐敦同埋油麻地之间，所以每次过嚟都要行好耐！但系为咗食好嘢冇办法！间舖头有好多不同种类嘅食物，主打清汤腩同饺子！当然仲有其他小食。今次大约12:30到达，本来谂住食崩沙腩或者爽腩，不过原来以上两种都未出，定系唔知系咪卖晒？最后只有食坑腩，叫咗碗坑腩米！加净食汤饺子！碗坑腩米嘅份量都唔少，汤底偏甜，食得出有少少味精！但系啲坑腩嘅质素唔错，同埋系新鲜牛腩！价钱好相宜！另外汤饺子都好好食，煎得好脆口，里面好Juicy！呢间舖头系性价比之选！虽然舖头都多人，但系起码唔使排队！