皇府 (已結業)

今日同老婆两个拍拖来到又一城的皇府食lunch，难得可以放低两个仔女系外母到，真系开心，我老婆叫了个海南鸡饭，我就叫了个食神叉烧饭，个海南鸡饭真系几滑，不过就冇以前咁好食，可能真系货源问题，但系我系出面真系食唔到咁滑的海南鸡饭，佢d 黑豉油几好食，唔会带苦，我老婆上次系超市买d一盒自己煮的海南鸡饭的黑豉油系带少少苦，个油饭又好食。而我老婆叫的食神叉烧饭系有只太阳蛋系上面，俾我地用蛋黄捞饭，真系几好食，而d 叉烧又几"林"呀!d 茶都几好饮，佢放低个茶壶系度，但系原来入面冇茶叶，咁d 茶就唔会因为放系度太耐而好苦呀!佢地又谂得几周到呀!虽然这间系贵过出面食，但系都几ok呀!都觉得值得呀!咁人地间舖o系又一城，d 舖租系全港最贵商场之一，咁收得贵系正常呀!