潮苑正宗潮洲粉麵

营业中

休息中

落雨丝湿，胃口又差搞到唔知食乜嘢好，求求其其揾一间冇咁多人既餐厅，入去食啲嘢医好个肚就算，咁啱就见到有间粉面舖就入去食碗粉面。入到铺头闻到牛肉味好香，就咁就叫咗一碗牛杂河粉加一杯热奶茶。牛杂河 $27, 热奶茶$6 跟粉面价牛杂河粉，一直系好多牛魔王嘅至爱当然我都唔例外，牛杂做得入味，牛内脏味道好浓好香，个牛汤底都非常好味，加埋啲滑口嘅河粉再加埋啲葱花，真系而家谂起都口水嗲嗲渧。杯奶茶原本十几蚊嘅，但系因为跟粉面就净系俾六蚊就得，杯奶茶都几滑又算有茶味，呢一餐都算几好食。