蘭芳園

营业中

休息中

唔知点解好中意食茶餐厅，朋友话呢间系卖怀旧情怀嘅叫我要黎试吓，唔食得都望得咁话行去揾餐厅嘅时候成个地库好多店舖都执得七七八八，觉得好唏嘘啊。餐厅入面嘅布置都几精致。未食之前心情都已经几好朋友系熟客，佢推荐我食喇沙，所以我就叫咗个喇沙鸡扒米粉。佢嘅喇沙汤底有好香嘅椰香味，但系唔会话太浓味都清清地嘅。鸡扒烤得好特别，唔知点解我食到有一阵淡淡嘅咖啡味，有三大件好够食！好钟意佢啲配菜仲有埋蘑菇，好得意。蛋有啲烟熏茶味食落好香，就咁一碗米粉都有咁多味𩠌，好评我个人来讲就唔太钟意食猪仔包，所以叫咗全走，净系食包都几香几脆㗎！热奶茶就不过不失冇外界讲得咁好饮。