神石燒牛扒專門店 (碧街) (已結業)

琴晚收工已经好肚饿，去咗公司附近嘅呢一间神石烧牛扒专门店，餐厅环境都几阔落，谂住快快脆脆入去填饱个肚！☑️极上原条厚切牛舌芯牛舌芯卖相已经超级吸引我，原条厚切牛舌芯劲有口感，同埋非常爽脆！☑️黑豚牛舌洋葱汤呢一款汤系喺自助区𠮶度拎嘅，系任饮任拎，同沙律菜同埋饭摆埋一齐，除咗呢一款汤仲有另一款泡菜汤，不过我自己就比较钟意呢一款洋葱汤比较鲜甜，同埋入面仲有啲黑豚牛舌可以食！☑️追加顶级虎虾大大只晶凝通透嘅顶级虎虾几甜，仲要虾肉好弹牙！另外我仲特登饮左包日本提子汁，酸酸甜甜！整体而言，如果呢个价钱我觉得质素都算唔错，见到佢哋嘅选择几多，可以根据自己嘅喜好或者食量决定要边一个套餐，虽然用咗传统石烧嘅方式，但店舖都唔算太大油烟味，绝对可以返嚟再一试！