叄壽司凍肉專門店

营业中

休息中

话说今日行过景峰见到有间冻肉寿司专门店，谂唔到今晚煮咩于是就叫外卖啦，估唔到都OK㖞。叫咗个蟹籽青瓜沙律，俾我想像中份量都好多，同埋都好足料，蟹柳都几鲜甜配上大量蟹籽作为前菜都10分不错，个份量真系多到三个人食先得芝士玉子烧，见到块芝士都咪话唔吸引🤩仲要佢应该用咗啲几靓嘅蛋，因为食落口个蛋味好重，唔会比芝士抢走味道，不过呢一人食两旧就够啦，再食就会有啲太漏😋炸鱿鱼圈，好香口啊，不过始终外卖所以返到屋企就会有少少淋咗，但系本身炸得几香脆，虽然漏返到屋企淋咗少少，但系啲炸粉都好香，同埋鱿鱼本身都鲜，如果即开即食嘅话应该会更加好食我都唔记得咗自己嗌咗玉子烧，所以呢又嗌咗玉子寿司，玉子寿司同玉子烧一样味都够浓多作评论啦，带子寿司同三文鱼寿司系我最爱，因为件件都好厚身，而贝寿司我都觉得几好食，不过我本身偏向钟意食鱼，所以我会推荐三文鱼寿司呢个鳗鱼饭，条鳗仲长过我手掌，个盒都摆唔晒，鳗鱼煎到个皮脆脆地，加上佢个酱汁，浓得来唔会太咸，不过依家嘅份量都真系几多，仲谂住两个人啱啱好，点知食唔晒，要三个人先食得晒呢间嘢做外卖我觉得都几好，出货都快，不过最好就预约落单先会好啲！