影片
更多
2023-07-23
937 浏览
-自从百宝搬咗嚟呢个地址都未曾再帮衬，以前就成日都去食。-7月21日晚上，同老婆行完深水埗，打算行去太子揾食，途经百宝，由于好几年前都食开，印象都唔错，决定再入去试吓。-入到去坐低，就觉得环境空气有少少「UP」味，由于外面天气都几热，冷气都算够凉，所以都唔理照叫嘢食。-当时客人唔多，大约坐咗7成人左右，但侍应们都唔太主动，于是我企起身向一个侍应叔叔 (之后先知，原来系经理) 招手示意落单，佢点个头，见佢行紧过嚟，所以我就坐返低，但成两分钟都仲未行到，跟住睇吓佢系边啦，点知见到佢行咗入去，真系奇怪，咁嘅情况咪叫咗个阿姐落单，首先叫咗个豉汁生根炒河，跟住再叫个荷叶饭啦，点知个阿姐话：「你做咩唔叫吓𩠌呀？叫晒啲饱肚嘅嘢！」佢好似唔想我叫荷叶饭咁，我就问返佢：「我想食咩都唔可以叫咩？」于是佢照落单，这是奇怪之二。-上菜速度都算快，豉汁生根炒河味道正常，仲有少少镬气味，不过就细碟咗啲，$78。-奇怪之三终于出现，荷叶饭到，打开发现，真系荷叶+白饭，撩吓入面，最多都系有啲素肉粒，汁都冇，冬菇都冇粒，咁样就$85，系其他素食馆都有食过，唔会系咁。（可能已经换咗厨师或者易手）-你哋自己睇，唉，好失望！
-7月21日晚上，同老婆行完深水埗，打算行去太子揾食，途经百宝，由于好几年前都食开，印象都唔错，决定再入去试吓。
-入到去坐低，就觉得环境空气有少少「UP」味，由于外面天气都几热，冷气都算够凉，所以都唔理照叫嘢食。
-当时客人唔多，大约坐咗7成人左右，但侍应们都唔太主动，于是我企起身向一个侍应叔叔 (之后先知，原来系经理) 招手示意落单，佢点个头，见佢行紧过嚟，所以我就坐返低，但成两分钟都仲未行到，跟住睇吓佢系边啦，点知见到佢行咗入去，真系奇怪，咁嘅情况咪叫咗个阿姐落单，首先叫咗个豉汁生根炒河，跟住再叫个荷叶饭啦，点知个阿姐话：「你做咩唔叫吓𩠌呀？叫晒啲饱肚嘅嘢！」佢好似唔想我叫荷叶饭咁，我就问返佢：「我想食咩都唔可以叫咩？」于是佢照落单，这是奇怪之二。
-上菜速度都算快，豉汁生根炒河味道正常，仲有少少镬气味，不过就细碟咗啲，$78。
-奇怪之三终于出现，荷叶饭到，打开发现，真系荷叶+白饭，撩吓入面，最多都系有啲素肉粒，汁都冇，冬菇都冇粒，咁样就$85，系其他素食馆都有食过，唔会系咁。
（可能已经换咗厨师或者易手）
-你哋自己睇，唉，好失望！
荷叶饭
$85
67 浏览
0 赞好
0 留言
张贴
