海天亞洲漁港 (已結業)

情人节仍然系打边炉...德兴等成十张桌，算吧啦六师弟!就去海天睇下~~有位㖞!!今次我地无乱咁劲点，好量力而为，逐样好小心咁点。都系个ｄ大路野，肥牛啦、丸啦(今次叫少左好多!!)、鸡子啦、鱼啦、墨鱼滑啦、牛肉滑啦、韭菜饺啦...最得意系有牛肉粒，唔知会唔会好韧？ｄ野食系一只大碟咁上架，又几好㖞!!唔驶成桌都系一碟碟食物迫到死，而家一只碟一次过搞掂。牛肉粒几林几易咬，不错呀。其他食物都算中规中矩。饮品任饮，不过饮到中途话无晒蔗汁，下？后尾个位女侍应话帮我地睇下，结果又有㖞...佢仲对住我男朋友讲：「见你咁靓...最后一jar黎架...」....-__-!!! er.....酱汁系自己出去个"自助混酱bar"度捞的~~哈~~唔知系d酱汁定汤，d味精超级劲，劲到我地第二朝喉咙都仲好干好涸...价值贵左点...都系德兴好d，不过都唔系话太差gei。服务ok，会成日问我地洗唔洗加水。