麗港軒潮菜館 (已結業)

嚟到呢间潮州菜馆，又真系几得。唔系有friend住呢头，都唔会识得嚟呢度食饭。卤水鹅片并猪肠 - 好大碟。鹅片好嫩滑，猪肠够淋，颂有豆腐垫低，卤水汁够晒味，又煮得够火喉，刚刚好不会过咸。福果胡椒猪肚汤 - 胡椒味够，好香浓白果，不过汤渣唔多，猪肚较少。味菜煲大蟮 - 条蟮好大条，好滑好鲜甜，味菜煮得好淋啲味入晒系𠮶汤底度，咸中带有鲜味，好好食。潮州冻蟹 - 不过不失，蟹比较细，肉不多。食冻蟹主要食鲜味，但鲜味不足稍为逊色。不过价钱咁平都算系交到货。九肚鱼春卷 - 之前未食过想试下，不过其实食唔到九肚鱼味，剩系觉得啲「涵」嘅质感似系九肚鱼𠮶种质地，不过即炸春卷热辣辣，已经够好食。豉油王煎虾 - 中虾size，鲜味不足似系雪藏虾，但系𠮶汁校得好好，豉油好香又有甜味。潮州芫茜烧鸡 - 鸡都几滑，但唔觉有芫茜味，所以唔知点解𠮶名话芫茜烧鸡。点豉油食就更好味。蚝仔烙 - 好多蚝，蛋香够，配搭合宜。