深深甜品

营业中

休息中

同闺蜜喺深水埗食完三个钟头晚饭，已经差唔多10点，离开餐厅准备要返屋企，但系好似有啲意犹未尽，加上晚饭𠮶三粒钟我哋两个不停倾偈讲笑，喉咙有啲干，咁闺蜜就提议不如食碗糖水滋润下，我举脚赞成🥰~即刻Google一下，揾到呢间口碑唔错，兼行两步就到，就即刻行过去，差唔多10点唔使等位😁。我哋叫咗「芝麻糊汤圆$30」同「黑珍珠柠檬爱玉$27」分甘同味。芝麻糊好香芝麻，汤圆烟烟韧韧，满意。黑珍珠好清淡，爱玉滑脱脱，带小小柠檬香，味道可以。两个甜品都唔太甜，几滋润，啱晒我哋干干地嘅喉咙。