綠摩 (已結業)

呢间薄饼外卖店开咗无耐，睇到佢有个二人套餐几抵食， $288就有一个九吋嘅薄饼加小食加意粉同汽水。叫咗个夏威夷辣妹，入面有黑森林火腿、菠萝、双色车打芝士🧀，另外义大利肉酱伴温泉蛋意大利粉，脆炸棒棒鸡腿🍗，汽水改咗做忌廉汤。个薄饼底系薄底，都几脆嘅，两个人食九吋几够饱，意粉同鸡腿都好浓郁香味俱全。味道方面唔差，不过位置上就有啲隔涉，如果比区内人嘅话就唔错，同埋喺正垃圾房隔离，闻到浸味，如果有垃圾车停泊就难搞啲。