影片
更多
2021-12-01
436 浏览
呢个lunch set几抵食，$128有半只鸡、一碗鱼片汤、一碗凯撒沙律、薯条、一碗白饭同埋一罐饮品，原价$195而家特价$128，有咁多嘢食真系几抵。烤鸡有10款口味选择：原味烤鸡、甜辣烤鸡、果味酱油蒜香烤鸡、黄金脆烤鸡、蜜糖香滑烤鸡、蜜糖咖喱脆烤鸡、韩式BBQ酱烟熏烤鸡、三重芝士烤鸡、 辣椒脆烤鸡同埋最后一款火山烤鸡。我今次就选择左果味酱油蒜香烤鸡。同埋鸡佢都仲有分有骨同冇骨选择，我就拣咗无骨，贪佢可以啖啖肉。我第一次食呢个口味，我觉得好好食，我其实唔系好识形容佢究竟系一个咩味，少少甜但系又有啲蒜头味又有啲豉油香味，个味道属于有层次，不过可惜嘅就系今次嘅计唔够脆，唔知关唔关无骨嘅事呢？我上一次喺尖沙咀食有骨嘅时候就好脆，所以我下次谂住嚟试吓食有骨版，比较一下。琴日唔记得咗赞下依度嘅所有服务人员，非常有礼貌非常之热心👍🏻
果味酱油蒜香脆烤鸡
47 浏览
0 赞好
0 留言
张贴
