壹玖陸零 (已結業)

收工行过成业见到1960个广告牌，记起之前朋友话唔少foodie都介绍过，佢自己食完都话好食又抵食，所以上去试下。个menu价钱亲民，最贵锯块扒都系百中，其他都系百松又有汤有沙律跟，睇落又真系几抵食！一支公叫左个纽西兰肉眼锯下，又估唔到块扒几大块，牛味浓，厨师煎得几好冇煎到干晒。跟餐沙律本身谂住同出面餐厅咁，细细兜比你湿下口，估唔到佢成碟咁比你，个汁又酸酸哋几醒胃。个忌廉汤几浓味，杰身唔似出面开水淡茂茂𠮶啲餐汤。锯块扒食埋d薯菜加埋个沙律同埋碗汤，都咪话唔饱，200蚊唔洗饱住落楼，真系好抵食！