初心冰室 (已結業)

起附近shopping 完，见呢度d set dinner几抵食就入黎试下，加25蚊仲可以每人配两款小食添。✨枱面上既砖真系好有怀旧feel~✨杂菜汤：超多料，酸度啱啱好带少少辣，好开胃。✨面包好松软，仲有有少少茄干同埋香草，如果有埋牛油就好喇。✨忌廉汤：加$10 要左个酥皮，热辣辣好好味。个汤入面劲多打到碎晒既菇蓉，好有咬口饮落又唔会觉得漏。 ✨芝士焗西兰花+田螺焗薯蓉： 个薯蓉好滑好好食，仲好香芝士味，入面仲有d 洋葱。西兰花都唔错，索晒d 汁仲有dd 拉丝芝士度。 ✨黑松茸烟三文鱼忌廉烩意大利饭（$80): 入面超多菇同埋烟三文鱼，意大利饭有咬口得黎硬度适中，而且粒粒饭索晒忌廉汁劲饱满，味道唔错好丰富。✨蟹肉蚬肉忌廉天使面（$72）：个碟好深比我想像中大既份量，呢款味道比较清，个人喜好食意大利饭多d.✨饭后甜品仲有雪糕糯米糍送，真系好饱。