逸 壽司 (已結業)

呢间逸寿司除左有厨师发办之外（价位都唔贵，三百几至七百几蚊一位），佢都有好多抵食既dinner set。我今日叫左老板推荐，dinner set入面既“皇牌”：特上寿司盛（10枚）$268。呢十款寿司老板话都系贵价靓料，二百几蚊一个set系几抵。首先黎左面豉汤同沙律菜，我中意碗面豉汤好热，咸味啱啱好，仲有好多豆腐海带。之后就上左两款前菜小食：吞拿鱼渍+芥辣八爪鱼。个吞拿鱼渍几特别，咬落好似咬紧肉干咁，有咸香味，有啲似食紧牛肉粒，几特别。之后就上主角：寿司10枚1.牡丹虾： 虾质几弹牙2.带子：带子𠝹得好靓，大粒爽口3.深海池鱼：鱼油味甘香4.池鱼：肉质紧实，有淡淡鱼香5.真鲷：我觉得系几只白鱼入面最好食6.油甘鱼：鱼油入口甘香7.火炙金䤼鲷：火炙味香，鱼质弹8.三文鱼籽：好鲜味，三文鱼籽一粒一粒喺口腔度爆，好juicy，唔会腥，咸甜9.海胆：一般10.拖罗：肥美，甘香✏️总括而言，性价比都唔错，佢午餐下午茶都好抵食。