Gastrobox The Cameron (已結業)

呢座大厦有好几间餐厅，之前有间食开既已经结业😞，今日就特登去试呢一间。先睇餐牌，价钱都几相宜，大概六十几至八十几蚊就有一个餐 ，另收加一，包餐汤同饮品 。另加三十八元就有三文鱼凯撒沙律同甜品。一场嚟到，一于加埋个30蚊嘅三文鱼沙律同甜品啦。首先系上南瓜汤。南瓜汤 有南瓜和红萝卜味道，加上忌廉，好味 。配轻轻烘过嘅 香草包同牛油，满足~三文鱼凯撒沙律原来系煎过嘅三文鱼粒放上沙律。三文鱼嘅份量比我想像中偏少。 凯撒沙律嘅菜还算新鲜，调味正常。香煎比吉打鱼香槟忌廉汁配千层薯$66比吉打鱼就类似煎龙脷柳 ，应该系醮咗 少少蛋汁去煎，煎得好香口 。忌廉汁偏少。薯仔系好味嘅 ，如果配薯蓉做更加 夹喇。香煎鸡胸菠菜汁天使面$62味道偏淡，鸡胸煎得香口。Tiramisu甜品系tiramisu 。这个就唔系太满意， 质数只系一般，只系一批买返嚟嘅货色。简单嚟讲，系好抵食呀，几十元嘅价钱系尖沙咀有汤有嘢饮等， 尖沙咀嚟讲算系平。至于加38元沙律同埋甜品， 我就觉得个质素对唔住38元，可以再好少少。顺带一提， 餐厅嘅侍应服务贴心有礼貌。