饗樂町 (已結業)

同阿妈阿爸嚟咗两次，第一次坐低咗之后5分钟都见唔到任何侍应过嚟，人手似乎好紧张，当时大概12点成间餐厅加埋我得四个人。隔咗几日再去多次，今次就有一两个侍应出现佢哋礼貌好好，其中一位姐姐好醒目，我哋叫咗走葱，第一碗送来嘅汤有葱佢都识得返转头换过一碗新嘅俾我哋，即使我哋冇要求。跟住我嘅软壳蟹饭唔见咗只蟹，佢都即刻发觉帮我换，好醒目。但系出餐时间比一般餐厅耐啲，尤其是午饭时间计算。我哋叫咗鱼生饭啲鱼生都系新鲜，份量都唔算少，其实价钱系好街坊嘅。所以你唔急嘅话系值得试一次。