斗滾 (銀座38) (已搬遷) 新店位置

本身今日系想打边炉，朋友介绍左呢间食店，于是来左试下。食店位于山林道银座38，其实呢栋野喺山林道最入，真系好唔起眼，但系成栋大厦都有啲几出名既食肆，我之前都来过一间rooftop bar，大厦非常新净舒服，有成4部lift，极快就上到餐厅。 餐厅装修简洁，枱都够大，坐得舒服。呢度基本上得一个set食，跟住佢餐牌既4部曲上菜。 第一式系食鸡煲，其实我同朋友都食得几辣，但系我第一次食，所以保守拣啲左小辣，点知系冇乜辣劲，下次再来食应该会拣中/大辣。但系鸡煲香口，味道浓郁，有炒炒孜然粉既味道，亦都有麻香，几唔错。店内姨姨会教你炒，炒4次就可以食，有埋计时器提供，几贴心。 第二式系食蒜蓉蒸海鲜，呢个相对来讲一般般，不过份量几多，款式都多，有扇贝、鲍鱼、圣子、虾同埋斑块。因为够多蒜蓉，而我系garlic fans，所以整体来讲都ok。我本身唔钟意食海鲜，不过呢度我估都系雪藏海鲜，唔重海鲜味，但系唔难食。 第三式就系饮汤，饮完汤就系第四式用个汤打边炉。个汤底系蕃茄著仔汤，味道偏咸，应该都落画味精，不过真系有新鲜蕃茄同薯仔，饮饮下都几好味。重点系之后佢上左碟牛颈脊，真系好滑