金海灣火鍋小廚 (已結業)

约左老友吃饭，佢拣左呢间位于油麻地的，因为大家去都方便就脚。是一贯中式小菜餐厅的格局，虽未至于古色古香，但也充满浓浓的香港风情。叫了四人餐，包一条蒸鱼，粟米鱼肚羹，烧味双拼同两款小菜，都几丰富。见隔离枱D乳鸽好似好正，又叫左两只。哗！洗净双手即刻用手食，好辣手 +香喷喷。不是妙䶖的 (bb 鸽），所以多肉食。但肉唔够嫰滑，不过皮脆同香，大家都食得好滋味。粟米鱼肚汤 ，多料但味道偏淡，全枱人都争住要落胡椒粉。烧味双拼是叉油鸡，叉肥鸡瘦，味道可以。美极海生虾，大约三份之一的虾唔算新鲜，但用美极煎香了，感觉良好左D。蒸沙巴仔，都蒸得几靓，够滑够大条，很满意。金银旦菜芯，唔老，味道不错，用料足。附送的糖水，水多料少，唔够 「溶」，而且偏甜。埋单七百几，足够五位食，都几抵。