Ben哥米線 (已結業)

行过新蒲岗，见到有好多人食呢间Ben哥米线，见到佢个餐牌好似几抵食咁，所以就决定试下。佢嘅午餐($41)包一个小锅米线，任拣三样$7嘅𩠌，同埋一杯嘢饮。如果想拣其他汤底或者其他价钱嘅𩠌就要加钱。我嗌左蕃茄汤底加墨鱼丸、猪皮同鸡肉，朋友就拣咗腐竹、猪红、鱼皮饺同腩肉。虽然叫做小锅，但系上到黎都好大碗。蕃茄汤底有好香番茄味，同埋有好多肉碎，啲𩠌嘅份量都几多，味道就不过不失，作为午餐来讲都算系大份又抵食。唯一嘅问题就系我哋坐𠮶边有好多蚊滋仔，一路食一路围住啲客人飞，结果我地越食越快，想快啲食完快啲走。希望餐厅可以改善下呢个问题啦。