十二味 (搵食市集)

营业中

休息中

呢几年见十二味开到周围都系，终于揾到机会试一试因为两个人，其实食得唔太多，今次就试试招牌香锅，凉拌土豆丝，同埋叫咗两杯饮品解辣🤣饮品首先嚟咗，欲望酸梅，超大杯，28蚊，好抵饮。另外一杯系桂花冰酿，淡淡嘅桂花味，入边有少少类似酒酿嘅味道，都几特别，不过份量就唔太多凉拌土豆丝，食落都几爽脆，不过因为凉拌关系，所以薯仔味唔会太重招牌香锅，份量超大份，我哋拣咗五款配菜，午餐肉，鸡翼，美国肥牛，鲜腐竹，宽粉，因为今次系第一次食，所以我哋叫咗小辣，但系其实都算几辣🤣好彩叫咗饮品，可惜餐厅未有酒牌，如果想饮酒，要自己落街买🥹午餐肉有少少似长城牌，入面有少少肉碎丝，几好食👍鸡翼，系单骨鸡翼，之前见OpenRice有人推介，所以试吓，味道都唔错美国肥牛，最初头以为会好多肥膏同埋好薄好碎，点知上枱见到一块块超多肉，比平时嘅肥牛厚身，食落去好满足，非常推介😋鲜腐竹，都几索辣汁，几好食宽粉，烟烟韧韧，索辣汁一流👍下次再嚟食，可能拣多个配菜，唔再叫其他嘢🤣因为份量都非常之多，好满足😋