發記飯店

营业中

休息中

在朋友家打牌，大家落街食饭，佢带我地来这里，见晚上十点几都座无虚席，加上呢度又唔系旺区，有咁样阵容足证其受欢迎，好在朋友事先同个老细单声至在路边开多张四人台，如果唔系就要等位。叫了蚝饼、鹅肠、掌翼同大眼鸡一条几个「啤酒菜」。蚝饼同湾仔新星般，倾向炸多过煎，蚝仔几大粒同鲜甜，炸的蚝饼又香口，送啤酒最正；鹅肠肥美甘香，又唔系太韧，太受欢迎结果要叫多一碟；掌翼大只几有肉，卤水入味，不比卤水专门店的差；大眼鸡亦大条鲜甜，送粥又适合。加埋几支大啤，粥饭等埋单二百几，坐街边食的话唔算好平，但食物是有水准的。要留意店内位置不大，客人十居其九要坐出街边或后巷，环境可能唔系个个人都适合，要帮衬就要预左。