大漠 (已結業)

银行朋友请食饭，今餐我地就黎到呢间野试食。呢间野位置其实都唔算太僻，几易揾到。2000黎到餐厅，人客并唔多。灯光黝暗，同男女朋友黎会较适合。不过装修就好普通下，唔觉特别有新疆味道。我地点左个二人套餐。食品如下﹕卤水豆腐- 其实都有d搔头新疆菜会有d咁o既菜色，不过味道都算唔差。炒紫椰菜- 加左果仁同干葱炒o既紫椰菜都几好味，好香好爽。新疆鸭胸- 同一般食开o既鸭胸差唔多，无乜特别。烤羊鞍- 好香，八成熟，有d血水，但食落又唔觉生，羊皮脆脆地，唔需要点其他香料都唔会觉得"so"。鸡pizza - 正。鸡肉薄pizza，芝士虽然好多，但又唔觉『漏』，pizza皮薄香脆，一流。上菜细细地，唔会令人太饱o既感觉。整体食品质素同服务水准都好唔错。唯一系觉得菜式好似modified到变成港式新疆菜咁。