春水堂 (美麗華廣場1期) (已結業)

以前每一次去台湾旅行，都会去春水堂饮佢𠮶中杯嘢饮，佢𠮶种杯系成个啤酒杯咁大，每一次饮都要饮好耐先饮得晒！今日晚餐又唔想喺屋企食，咁就出咗去揾食啦，咁去深水埗行吓行吓又唔系好啱食（我有睇苏妈苏妈，蕃茄师兄，第一君，丸京同白布乌冬㗎！），咁个心突然好想去食台式牛肉面，原本谂住去旺角铁牛嘅，但又惊旺角好多人，于是上咗巴士就去咗尖沙咀，之后俾我见到春水堂㖞！就忆起我系台湾嘅回忆，就入咗去食！因为佢唔系好full，舖都叫大，唔使等就即刻安排到个位我！咁当然我唔会勿忘初衷啦，叫咗个红烧牛肉面，同埋一杯翡翠柠檬。个面一嚟到就闻到一阵好劲嘅牛油苏味，上面有一层好劲嘅油！咁开始食啦，佢个汤底唔系好重平时红烧牛肉面果d味，感觉比较淡，好在佢食完唔口渴，我就觉得一般！面就几好食，可惜就细碗咗d，3啖搞掂！牛肉同牛筋出奇地入味，好食！到个翡翠柠檬啦，我叫咗少甜（即系50%糖）感觉会比较酸啲，但好啱呢个天气饮，好fresh！但呢个价钱咁嘅质素，台湾真系抵好多！