甜蜜蜜 (已結業)

位于山顶凌霄阁基本上游客居多，偶然都会想去行吓，一入到门口最近𠮶间叫甜蜜蜜嘅甜品，佢嘅装修设计都好吸睛，围绕住怀旧风味，佢哋有中式，西式甜品都有，就好似中式糖水凉粉等，西式会有雪糕窝夫，仲有特色嘅嘢饮，今次都系第一次试呢一间甜蜜蜜，但竟然令我超失望😡😡首先佢橱窗里面嘅甜品都好精致，但原来都系得个样，叫左个杂果凉粉，佢啲杯系几特别嘅，都印有中国特色印花，但里面基本上全部都系罐头杂果，凉粉一般，亦都唔算多，凉粉嘅味道接近到好似罐头咁，其实自己都识整😤之后叫左杯洛神花蜜茶加芒果爆珠，佢个display 真系见到都流晒口水，但真实既唔洗我多讲，睇个样都知，洛神花又唔够味，茶底又唔浓，爆珠都唔多，成杯都唔知饮紧啲咩😒😒