臺坊 (加拿分道) (已結業)

约左朋友睇戏，收工之后拿拿林去食个快饭。呢间位于厚福街既台式小店价钱唔算贵，选择又多，有唔同既小食，牛肉面等等。因为唔想食太heavy，所以我无点主食，点知最后都系食到劲饱～芝士+烟肉台式蛋饼满满既芝士，超多芝士！！最钟意拉到丝既芝士！！烟肉唔肥腻，加埋芝士无得输，香得黎口感又好。但系蛋同饼皮略嫌煎得稍为轻手左，如果再煎耐少少应该会更香口。麻辣海蜇鸡柳份量好足，蟹柳，海蜇，鸡柳都放左超多，下面仲有青瓜丝垫底。鸡柳弹牙唔干身，有惊喜。调味方面都做得唔错，辣得黎又唔会太呛。而且连垫底既青瓜丝都新鲜脆身。虽然呢到地方细细，但系够干净整洁，光线够光猛同舒服，都坐得几舒服。而且重点系好足料，只食蛋饼同小食已经好饱。