高木炭火鳥燒 (已結業)

耐唔耐就想食串烧，但之前钟意食喺深水埗果间执咗....之后揾到尖沙咀嘅高木炭火鸟烧，居酒屋形式经营，又未去到好吸引到会不断回头，但想同朋友倾下计、饮下酒、食下串烧都唔错嘅~ 大家有无好食又抵食嘅串烧店介绍?•📸 日本芝士年糕👍🏻︰芝士唔系太浓，但口感松软几得意📸 明太子饭团👍🏻︰明太子饭团嘅底面烧到脆脆地，仲有紫菜比你包住食，几钟意呢个饭团~ 所以叫咗2个！📸 茄子︰系小两块茄子串起嚟烧，有搽到烧汁，但好似原条烧会满足啲📸 芝士大菌︰铺咗芝士嘅烧大啡菇好Juicy~📸 鸡软骨👍🏻︰烧到干身，加上调味粉，系食串烧必叫之一！📸 七味猪颈肉︰一块猪颈肉烧完切开6条，咬落几爽口，唔会太干📸 免治鸡肉👍🏻︰呢个系免治鸡肉棒配酱油同生蛋黄，好彩入面混咗啲肥同软骨，令到鸡肉棒有啲咬口又唔会太嚡📸 日本A4和牛+ 安格斯牛︰肉味几浓，肉质几嫩📸 黑松露鸡脾菇📸 车厘茄烟肉卷📸 露荀猪肉卷当日平日夜晚去唔多人，Book咗都唔使等，全部串烧都即叫即烧，都唔使等好耐，不过大部分肉类调味都咸咗少少😢