新多寶來海鮮酒家

营业中

休息中

因为疫情，好耐冇跟团四围去，今日呢个本地游团一架大旅游巴士坐满晒，我哋去咗龙尾滩同聚星楼，之后就嚟咗呢度食海鲜。首先上一大碟白灼虾，新鲜热辣，虾肉爽甜。😋😋跟住炸鲜鱿，外面炸粉唔算厚，好浅色望落去好似冇乜味咁，咬一啖，完全改观，冇𦁤过咁正，味鲜肉嫩，食完一件又一件。😂歇一歇海鲜，上啲肉同菜，清炒菜心，okay 啦，甜酸排骨，味道唔错，不过啲排骨好细粒。白切鸡，相比起海鲜，就冇乜特别。加上枱上面有海鲜，个个净系顾住食海鲜，碟鸡冇乜人夹。😅今餐讲明系海鲜，当然唔少得鱼啦，不过一只大碟两条细鱼，味道okay，但系卖相一般。跟住落嚟嘅蒸饱鱼真系唔错，只只都差唔多三分一只手掌咁大。蒸得啱啱好，唔会韧又鲜味，正👍🏼！个餐唔包酥炸生蚝，每只要加几拾蚊，流浮山出名蚝，冇理由唔试！蚝身厚肉，不过味道只系一般，有少少失望。本来都觉得饱，不过个friend夹咗蒸海中三寳(其实唔知系乜，好似系鱼仔、虾亁之类……😅），试吓冇坏，鲜味而且几有特色。