漁匠料理 (已結業)

琴日放工约左个friend食饭 本身就谂住系旺角食可以多啲野拣 点知佢要ot 咁唯有去上水 佢返工个到附近食啦 其实上水真系唔知食咩好 只系知道多药房同行李箱 最后我地上左openrice睇 拣左佢嘅首位 渔匠我地七点九去到 去到已经要等位 等左两张枱就到我地 我地入到去就叫左鳗鱼炒饭 三文鱼寿司 剑鱼腩寿司 帆立贝寿司 玉子寿司 日式饺子同埋铁板牛油焗带子 我地都系第一次食 点知食完我地都话下次要再黎 个鳗鱼炒饭好大碗 而且竟然足料到差唔多每一餤都有馒鱼 佢每粒馒鱼都有手指尾第一节咁大 唔会食完都唔知自己食左 仲有个饺子 佢一碟有六只 佢个皮真系好薄 好耐冇食过我觉得肉多过粉嘅饺子 不得不提寿司 佢块玉子好长好特别 系自家制嘅 虽然唔知里面有咩 但系系几好食 佢三文鱼唔会切得太厚太硬 好好食 有啲入口即溶 个带子就普通 系多炸蒜 几香口 整体黎讲 值得推介 同埋我地两个埋单都只系每人百几蚊 都几扺食