影片
更多
2021-09-23
25 浏览
今日约咗朋友喺湾仔度饮酒，饮完酒就上咗去呢间泰国嘢度食 ，其实呢间餐厅好似都开咗一排，但系都未试过，咁啱喺度饮完酒就上去食𠮶饭，上到去其实装修都几好，又清静同下低嘅嘈吵气氛， 感觉上好似两个世界。 咁同朋友叫咗以下:Grilled Beef Salad: 呢个沙律真系唔系讲笑， 我将啲牛肉分开嚟摆，都拣咗有成十几块牛肉， 真系超多牛肉呢个沙律， 而且牛肉嘅质素真系唔差唔韧， 佢啲蔬菜例如青瓜样都几爽口， 个汁亦都调教得好好所以作为餐前小食，我都几钟意呢个沙律。Curry with Chicken and roti : 咁呢个咖哩鸡我觉得佢整嘅咖哩都几正宗， 正宗在佢好有泰式𠮶种风味，而且唔算太辣及香， 另外不得不提就系佢个鸡肉都几有鸡味及嫩滑，一啲都唔鞋，其他配菜亦都好吸引例如薯仔， 另外佢个roti亦都好好食， 烟烟靭靭点埋个咖哩汁一齐食，非常之正， 所以我个人嚟讲我最钟意就系食泰咖哩。Beef Boat Noodle in Soup: 汤底几有牛味及好香浓，见到我幅相就知佢真系落足料超够味，例如牛肉唔止大块而且咬落好嫩及唔韧，牛腩同牛筋真系完全唔韧仲好入味，再加上好弹牙嘅牛丸，成就
Grilled Beef Salad: 呢个沙律真系唔系讲笑， 我将啲牛肉分开嚟摆，都拣咗有成十几块牛肉， 真系超多牛肉呢个沙律， 而且牛肉嘅质素真系唔差唔韧， 佢啲蔬菜例如青瓜样都几爽口， 个汁亦都调教得好好所以作为餐前小食，我都几钟意呢个沙律。
Curry with Chicken and roti : 咁呢个咖哩鸡我觉得佢整嘅咖哩都几正宗， 正宗在佢好有泰式𠮶种风味，而且唔算太辣及香， 另外不得不提就系佢个鸡肉都几有鸡味及嫩滑，一啲都唔鞋，其他配菜亦都好吸引例如薯仔， 另外佢个roti亦都好好食， 烟烟靭靭点埋个咖哩汁一齐食，非常之正， 所以我个人嚟讲我最钟意就系食泰咖哩。
Beef Boat Noodle in Soup: 汤底几有牛味及好香浓，见到我幅相就知佢真系落足料超够味，例如牛肉唔止大块而且咬落好嫩及唔韧，牛腩同牛筋真系完全唔韧仲好入味，再加上好弹牙嘅牛丸，成就咗呢碗船面。
最后我同朋友饮埋杯Blueberry Mojito and Strawberry Pommy 就闪人， 如果大家行开湾仔呢一头，大家可以试下呢间泰式嘅餐厅，环境同食物质素我觉得唔错。
张贴
