基地貳 (已結業)

星期二老公拣左呢间餐厅同我庆祝生日，因为过几日就飞英国，费时再食西餐，于是拣左食泰国菜，呢到最大既卖点一定系会变幻既萤幕。望左一轮餐牌，发现全部都偏贵，加上我地饱饱地，返到屋企要继续食Lady M Tiramisu Mille Crêpes， 最后叫左四样野食。好彩Openrice book枱有88折，最后埋单$610。虎虾冬荫阴功汤得一只虾，真系好少，蘑菇都有啲，汤既份量亦都好少，但味道系唔错既。泰式肉碎生菜包呢个越食越辣，几惹味。沙嗲串烧有4串，2串鸡肉，2串猪肉，唔算鞋，但食唔出个酱系沙嗲酱。基地龙虾炒饭炒饭唔算好干身，龙虾肉比较结实，不过不失。