喜來稀肉 (已結業)

今日同朋友出咗嚟旺角度买动漫产品，咁买完当然食餐好㗎啦，咁我就同佢去咗呢间食韩烧嘅地方度食， 入到入面其实都几宽敞 个地方都容纳倒几多人，咁我同佢系轻食嘅，咁所以冇叫太多嘢食，我哋叫咗以下泡菜也很好味）海鲜拉面: 其实呢个面就系我食得出就系辛辣面(笑)，咁佢嘅海鲜就有虾同埋青口，咁个面就唔算太大碗， 但系就有一种好亲切嘅感觉。 其实佢都算有心机整嘅，因为佢加咗一啲葱花呀之如此类嘅配菜喺个面度。猪肉嘅护心肉: 护心肉自己都几推荐，因为其实佢个猪肉啲肉质弹牙，而且佢已腌制好 ，食落去已经有味道，烧耐少少亦都唔UN。 唔错唔错! 建议大家包埋块生菜嚟食，再加少少酱，我觉得咁样就会更加好。调味酱油鸡肉：呢个鸡肉我觉得都几yummy，肉质都唔错及烧起上嚟都几快熟， 因为其实佢个鸡肉已经腌制好鸡肉入面都几juicy，如果配埋个饭就更加开胃。最后如果大家钟意食韩烧嘅话 ，大家可以试下呢间餐厅 ，我觉得佢啲肉都几新鲜同惹味。