影片
更多
2016-09-23
2573 浏览
想食Indian food，除左尖沙咀，其实好多地方都仲有好多选择，而且亦因为位于小社区内，口味相对仍能保存原味。周不时会黎呢度食饭，除左味道几正宗，价钱平，仲好有小店风味，人情味浓。食完唔够喉，又可以买d印度甜品例如Ladoo返屋企食。印度甜品系好甜，不过比起喺印度食果d，香港的甜度已经系调整左，但仍然系甜。小店系family business，所以好多野都系一脚踢，如果真系想去食，请俾少少耐性，店员其实系好nice，无甘忙时都会同食客倾下偈。一个月总会帮衬几次，观察所得，黎呢度的食客主要附近街坊，印度人同香港人都有，好大部份系熟客。我亦都见过有新食客黎度，见到呢度并唔系好似外面d餐厅甘好热情招呼，或者唔系好知究竟食咩，望完menu就走左。呢度成日都播住Bollywood d歌，虽然成日俾我d freinds笑我，但仍然系好喜欢Bollywood歌舞，跳Bollywood Dance系要好开心笑住跳架！(印度Bollywood系全世界出产电影最多的地方，多过Hollywood)餐厅唔系好大，有时需要搭枱，要有心理准备。餐厅亦设有洗手盘同hand wash设施。布置系好印度feel。坐
小店系family business，所以好多野都系一脚踢，如果真系想去食，请俾少少耐性，店员其实系好nice，无甘忙时都会同食客倾下偈。一个月总会帮衬几次，观察所得，黎呢度的食客主要附近街坊，印度人同香港人都有，好大部份系熟客。我亦都见过有新食客黎度，见到呢度并唔系好似外面d餐厅甘好热情招呼，或者唔系好知究竟食咩，望完menu就走左。
呢度成日都播住Bollywood d歌，虽然成日俾我d freinds笑我，但仍然系好喜欢Bollywood歌舞，跳Bollywood Dance系要好开心笑住跳架！(印度Bollywood系全世界出产电影最多的地方，多过Hollywood)
餐厅唔系好大，有时需要搭枱，要有心理准备。餐厅亦设有洗手盘同hand wash设施。布置系好印度feel。
坐底一阵就送上脆饼。佢地d脆饼系视乎当日供应如何，如果无晒，就未必会送。呢日早到，仲有得食。佢d辣酱同薄荷酱系我食过之中，味道最好味。
呢日叫左薄饼set，唔好睇少佢，食完系会超级饱。薄饼新解整起，热辣辣，由2片好薄的薄饼组成，内面有少量洋葱、咖哩、青椒，透出淡淡小麦香，食落系有咬口同「o赵」头。可以点埋酱一齐食，不过今日个酱好辣下。呢度最好食系佢个乳酪，个人认为系神级，嗱! 甘个个人口味唔同，不过我揾左好多地方，呢度系令我念念不忘。佢乳酪味道唔太酸，口感丰盈而且滑溜 (绝对唔会一旧旧，食开乳酪的人应该知我讲咩)，同时仲加入莞茜(唔食莞茜就唔好试)，又有小粒状乳酪芝士，味道口感层次极为丰富。唔好睇少果几片青瓜、红萝卜，食埋佢，可以去下腻感(印度人食饭的确系会整一碟青瓜、红萝卜、蕃茄送饭，可以一片片就甘食，唔洗捞野)。
最后，当然系饮Masala Tea无得输。香料味重，奶唔算好多 (就Masala Tea而言，同最近一次去Sangeetha比，我比较喜欢呢度。之前系喜欢Sangeetha多d，最近去觉得佢口味有少少调整左)，最重要系以呢个价钱而有呢个水准。我通常会叫佢地迟少少先上，可以热d，而且食完野饮系最正，绝对系我的comfort drink。仲记得有日老板娘比较得闲，递上Masala Tea时仲同我同广东话讲左句「奶茶」，然后一齐喺度笑。想食比较正宗又抵食印度素色，呢度系一个唔错的选择。
Masala Tea
56 浏览
0 赞好
0 留言
题外话/补充资料：
Menu有图、有中文、英文，如果第一次食印度食物或印度素食唔知叫咩，可以问下店员，或者叫set。佢d set唔系出面d set，而系d好似2𩠌3𩠌果d sets。Dosa、米饼sets亦唔错，单叫一件件炸物呢度亦系整得好好食。不过Lassi(饮的乳酪)就无冰，会厚身少少。至于印度Lemonade呢，唔建议叫，唔系人人接受到，我自己都接受唔到，如果想有新体验就另当别论。
(以上食记乃用户个人意见 , 并不代表OpenRice之观点。)
张贴
