札幌元祖北海道拉麵 (已搬遷) 新店位置

在中环做野都唔知原来这里变了一间拉面店，仲叫自己做「元祖」tim！在日本够胆叫得自己呢个名通常唔差得去边，所以今日就来试试。拉面得三个选择，味噌、正油和盐味。原本想选择盐味，因为好少可能在香港吃到，亦想睇下佢地做唔做倒好食的盐味，但见今日好似阴阴凉，浓浓的味噌汤底好似吸引D，所以就叫左。配料有半肥廋叉烧紫菜芽菜荀等但都是配角，主角的味噌汤底热辣辣非常正，未食面已经饮左半碗！唔使问当然有味精，但有边度的日式拉面汤底无味精？不能证实面是否直接由日本运来，但总之弹牙又有咬口。成碗面整体感觉非常正，有番在日本食拉面的味道，个人觉得在香港只有Domon才找到相近的拉面风味，连横钢都仲差少少。可惜天气唔够涷，如果唔系可以再加旧北海道牛油就仲正。60蚊一碗不算平，但个人觉得物有所值。