茶研｜The Tea Academics (已結業)

呢间茶系cafe想去好耐，平日1:45去都人头涌涌，店员仲话要等40分钟先有饭食，我以为我听错，原来真系40分钟！反正我呢日真系要喺中环hea好耐，所以我就照入去等，lunch menu都几多选择，全部都系同茶有关。对茶渍饭情有独钟嘅我谂都唔谂拣咗eggplant tea rice $138 虽然制作需时，不过茶渍饭的确好高质，茶有咸香和菇菌味，咸香不会太重，配合茶嘅清幽，好似饮紧清汤咁，茄子有酱油嘅味道而且好绵密，好似食紧肉咁，完全唔会觉得好斋，份量可能会唔系好够，如果唔想食太heavy都适合嘅。黎到呢度当然要叫招牌嘅普洱拿铁 $38，一开始会觉得有少少甜，之后就完全唔觉得，普洱茶叶味道都好重，入口系顺滑，上面仲有朱古力粉增加风味，闻上来几香，不过觉得茶多奶少同埋好快溶晒D冰，所以饮到最后有D尴尬，同埋整体而言价钱都偏贵，平D会食得开心D。