一點心 (通菜街)

营业中

休息中

今次系经朋友介绍第一次去咗呢间位于太子嘅点心店，Weekday夜晚都要排队，仲有好多都系旅客，喺香港经济咁美好嘅时期真系难能可贵。大概等咗15分钟，建议各位喺入座之前就已经用点心纸拣好食啲咩点心去悭时间，因为入到去之后都会有限时。坐就唔会坐得舒服，而唔少侍应嘅态度亦都系麻麻哋，基本上接近冇服务可言，不过呢啲都系预期之内。𠮶日同另外两个人就嗌咗好多经典嘅点心，包括虾饺、烧、牛柏、咖喱鱿、虾肠等等，上菜速度非常快，味道亦都算几好，比我想像中要好。三个人食到好饱都系$300松少少，我觉得算好物超所值。