Sueno (已結業)

铺就细细间，但企理干净！ 食物选择唔算多，英文menu, 不过每样都整得精致。叫左grilled octopus, 个底有薯蓉，加左墨汁嘅蛋黄酱，上面有烧八爪鱼同埋一块烧过嘅红椒，八爪鱼咬落去岩岩好，唔会un, 好弹牙超好味，加埋红椒好甜，蛋黄酱酸酸地咁，成个口感超丰富。 仲叫左蟹饼粒，呢个就唔抵食，因为好细粒同埋冇乜特别。上面果块劲咸，入面啲蟹肉都唔算香蟹味，下面果pat 酱就都咸咸地，整体唔好味。 呢个西班牙饭超好味！ 有得拣龙虾汁或者墨鱼汁，海鲜唔算多，仲要有一只花甲坏左冇开shell, 虾同埋八爪鱼都冇乜味，反而成个饭好重黑椒味，食落辣辣地咁好惹味！ 带子煎得刚刚好，饭入面加左芦荀，加埋柠檬成个饭酸酸辣辣咁好夹！ 但收人238 就偏贵。