三肥美食 (已結業)

今日见放假就同朋友出去左深水埗西九龙食午餐同行下，行完无耐朋友就话有少少口痕想食野，咁之前听朋友讲过话深水埗果边有间肥仔美食鸡肶几出色咁就同朋友一齐去试一试。去到果边肥仔美食就见唔到，只系见到间叫三肥美食嘅小食档，咁唔见肥仔，三肥都试下啦！(p.s.之后问番朋友，原来已经转左手变成三肥美食。)一望埋去果然铺如其名「三肥美食」，三个肥仔一齐做嘅铺头。其他唔讲咁多住讲番野食先，埋到去人流唔算话好多，都有几个客人等紧野食，老板同完其他客倾左几句就拎个头过黎问我地想食咩，佢就埋黎介绍下佢地嘅野食。咁我地问下老板有咩特别推介，佢就讲左好几款，特别推介左巨无霸鸡肶同黄金鸡翼。我朋友话佢几饿，两款唔够食咁就叫多款椒盐烧卖。老板就话其实两款都够晒，鸡肶好大只，一个人都够晒饱。等左一分钟到就有椒盐烧卖食，好香口外脆内软，唔会话炸到过晒火去到变成硬，仲可以食到个鱼肉味，椒盐又够晒味。再等左几分钟就有黄金鸡翼食，老板话黄金即系上浆炸完再用新鲜咸蛋黄去炒，食落好正，真系有好似老板讲系酒楼食黄金虾嘅味道。再等多几分钟就有鸡肶。(p.s.都等左十分钟，原来老板话系生炸)老板一拎比我，真系哗左出黎！好大只， 好堕手