Tapas Brew (Greenfield Plaza) (已搬遷) 新店位置

今次嚟到呢一间位于大埔嘅西班牙餐厅，今次真系第一次食西班牙菜，所以都带着一个兴奋又期待嘅心情嚟到呢一间餐厅，试吓佢好出名嘅西班牙乳猪。一入到黎的而且确个装修好别致，好有外国风情，同埋一啲酒吧嘅feel，都见到好多人喺度饮紧酒，吹吓水咁样，亦都见到一家大细嘅人嚟食西班牙菜，因为西班牙菜啲份量都好大份。呢只啤酒几特别，又咁啱做紧promotion，所以就叫咗一杯嚟试吓，酒精味不太浓，又好有果香味道，好啱女士们饮。饮啤酒点可以冇呢一个招牌菜，西班牙乳猪，呢一个乳猪真系10分好食，皮薄又趣，不太肥又不太瘦，腌得好好食，配埋果酱简直系经典， 10分推荐大家叫。炸物叫咗呢一个炸鱿鱼圈，鱿鱼圈好新鲜，但略嫌炸粉太多，会食到有啲济。呢个蟹肉饼都好好食，食得出啲蟹肉好新鲜，而且份量都好大份。最后就系呢一个蘑菇阔条面，分量都好大份，味道都好够，汁嘅份量都好好，烟肉同个面都好夹。整体来讲，呢一间西班牙菜都几特别，都可以嚟试吓。