金田家 (已結業)

柚子辛口拉面真系唔系度度有得食，呢个拉面既味道配合得刚刚好，有柚子既清香、仲有中间一点辣酱，个辣酱似韩式辣椒酱、带少少甜唔会好辣，两种味道配合得刚刚好，唔会抢哂啲味，配住浓厚既猪骨汤底食，冇咁腻，但个人觉得汤底咸左少少。最欣赏呢度有炒过既芝麻可以比你磨碎之后加入去碗面度一齐食，真系好香、升华左成碗拉面既味道。叉烧有两大块，好瘦好干既感觉，个面都几挂汤，但面质一般，面量偏少，配菜就只有一块紫菜同极少既芽菜，男士就一定唔会够饱。总括黎讲个拉面味道过得去啦，但咁既份量，加埋一要$107 就唔系好抵食。如果想尝鲜、唔想下下食普通猪骨拉面既时候都可以黎试下。题外话，呢度个view都唔错，可以望到出面既山景，座位阔落、坐得都几舒服。