麵鮮醬油房周月 (歌賦街)

营业中

休息中

.行完太平山，落左黎中环呢间米芝莲餐厅食沾面🍜好彩有位唔洗等，入到去既格局好似日本拉面店，深木色装修同bar枱座位仿如返左乡下🇯🇵咁，坐得都舒适，凳底可以放袋添。我地叫左两碗沾面，可以选择凉面定热面，仲可以选择份量 (100g/200g/300g)，100g等同一饼公仔面份量，细食既人就岩哂了。汤汁方面都可以选择浓味或淡味，完全可以customised你要既口味。周月沾面 ($108)面底200g, 热面, 浓汁酱油汤汁香浓，带少少油香，斋饮汤汁味道偏酸，同面一齐食反而唔觉酸，几特别。汤汁入面有啲角切豚肉，食落带点嚼劲，如果再煮腍啲会更好食。面条系自家制，系粗面条，食落口感比较烟韧，但十分挂汤。食拉面或者沾面一定要配溏心蛋，有冇人同我一样会留到最后先食，仲要浸一浸汤汁等溏心蛋入哂味。烧黑豚沾面 100g ($136)面底100g, 热面, 浓汁豚肉片切得厚度适中，肥瘦均匀，油脂部份烧得好香，食落有嚼劲，闻到少少炭烧味道，几好食。汤汁同面条都系同周月沾面一样，细食既朋友仔拣100g就刚刚好饱。食完之后店员仲问我地要唔要加水饮汤，我地就试下啦，加左水后既汤汁饮落冇咁酸，都ok既，可一试。