潮民

营业中

休息中

最近在屋企附近开了一间新的火㶽店, 睇过份传单, 好似几吸引， 所以去试吓。去之前上openrice睇咗食评， 有唔同嘅食评都推介洛神花茶， 所以叫了杯试吓， 真系几好饮㖞！我地叫咗个set, 拣潮式牛腩清汤底, 伙记话除了牛腩外， 另外再加黄牛骨、芹菜等煲左6小时, 味道好正！另外值得推介嘅系佢地嘅爱心饺， 话系老板自己系屋企包嘅， 唔知系咪真啦， 不过都有好多料， 好香!牛丸同墨鱼丸都好弹牙, 话系手打过㖞。另外我地又叫咗一只蟹， 都几大只， 味道几鲜， $128原只；价钱算系ok啦。最后我觉得最值得赞嘅系佢地嘅服务态度， 好亲切， 佢地有成10几种酱料， 我地唔知沟边种酱好， 店员同我地慢慢解释, 重帮我朋友沟埋。所以我咪写篇嘢上嚟赞吓佢地啰。总括来说，食物都好新鲜， 几特别同几多选择， 都值得介绍比人试吓。老板好好倾， 临走重问我地嘅意见， 重话下次帮衬如有3位叫set会送1位呀。