上海灘

营业中

休息中

今次扫街嘅时候谂住买杯嘢饮解下渴，咁就试吓芝芝葡萄，而且佢个价钱都几吸引只系$28，于是就抱着冇乜期望嘅心态去饮。-首先佢杯嘢饮第一下比我嘅感觉系好死甜，可能系我冇叫少甜嘅缘故，因此感觉饮落去好多糖浆，值得称赞嘅系佢有真嘅果肉，而且都有五至六粒提子肉，上面都有一层奶盖，都几厚滑，嘢饮𠮶个部份就好似葡萄沙冰一样，类似系有少少化学味。-总括来讲如果大家冇乜要求可以嗌，因为佢个份量都几大，而且价钱都算几平，学生如果平日叫仲可以减两蚊，因此想尝鲜嘅朋友不妨一试，不过个店面就比较细，建议买完要揾一个地方饮。