鴻星中菜 (已結業)

今日放工约咗个朋友饮茶，见到鸿星酒楼个牌，于是唔理咁多，走咗上去谂住等位，出乎意外唔洗等，上到去已经有人带位！我们叫咗普洱茶，饮落感觉几好，几有口感，香浓而且好滑，都几有茶味，而且唔系好鞋口同苦涩。我们叫咗几个简单常见既点心就算，都系叉烧肠、烧卖、春卷。可能因为唔系太多人，菜好快就黎到。叉烧肠卖相唔错，皮薄而且都几滑，叉烧几新鲜，半肥瘦，水准之上。另外，春卷都唔差，热辣辣，主要系用萝卜丝做馅料，外面香脆，而内里都松软，值得一食！而烧卖卖相同一般酒楼分别不大，但Ｄ肉都算系新鲜，但十块钱一粒，性价比不算太高，但系中意食烧卖既朋友都不妨一试。总括而言，都唔算太贵，坐得舒服又不是太嘈，几适合两个人静静地谈天。