Nara Thai Cuisine (港威商場)

营业中

休息中

之前都食过呢间位于海港城嘅泰国菜餐厅几次，觉得都几好，所以琴日又再去试吓。而家公众假期去夜晚都唔使等位，不过仍然有限时90分钟，坦白讲你入座率都不复旧观，我觉得限时就冇必要。可幸的是，啲食物水准仍然保持到。我哋琴日三个人食，嗌咗虾饼、串烧鸡、冬阴功汤、青柠乌头鱼，同埋菠萝炒饭，全部都几好食，冬阴功汤虽然几贵但非常足料，系略嫌甜咗少少。上菜速度都几理想，所以一个半钟头嘅限时系有啲唔方便，但系唔会太赶。我哋三个人最后食咗大约$1000，我觉得性价比都可以接受。