趣亭餐飲館 (已結業)

我哋今次嘅聚会呢就系旺角都举行，我哋一行10人一早已经预订左依间餐厅。因为系星期五嘅晚上，我哋早一星期book位，好怕会无位。我哋早左10分钟左右上到去，佢冇人开门，原来佢哋未返工，咁我哋就等到佢哋返工开门俾我哋，我哋先入到去。系好窄嘅等位空间入边，完全冇冷气，我哋好热。其实都唔紧要，最紧要入到去食啫，10个人一齐，你就冇得咁计较。入到去啦，我啲朋友话佢个厨房好污糟，都唔紧要嘅，佢开放式厨房，所以会比客人见到，可能平时Cafe嘅厨房都好做但系我哋见唔到啫。咁我哋就坐好，有啲同学就去咗厕所，有啲同学就睇紧餐牌，睇下食乜。有个同学见到佢隔离𠮶张沙发底下面有只老鼠标出嚟，吓到大叫，即刻话走，我哋都劲惊，地方污糟到有老鼠，我哋都第一次见，第一次完全食都未食就急急脚走，真心好惊吓。。。