茶墨 (已結業)

一开头以为店员比错左，因为只色有少少似芋头类饮品。lol 一饮落口会饮到比较重铁观音茶味，然后搅匀饮到底就会系较重紫薯味。我觉得少甜已经ok！如果吾系就会太甜。系会饮到紫薯蓉，口感吾错。顶端会有牛奶，捞匀饮落系会有奶香味。不过成杯野系会饮到有冰粒，可能D冰未打得够碎，吾算绵滑。其实我系第一次饮紫薯类饮品。🙈因为我对食既野好奄尖。奄尖猫系我!紫薯我只会食紫薯薯条。吾食紫薯雪糕。吾饮紫薯类饮品。但为左写更多食评比大家，今次突破一下自己咁！💪🏻同埋想试水墨风既饮品。4款入面得紫薯好似都ok想试下咁。🙈呢个免费试饮既玫瑰洛神花茶，闻落闻到好香既洛神花花香，而饮落我觉得有少少酸酸甜甜地似野莓汁。几好饮!因为我话自己系堂食，店员A其实已经落单前帮我量度左体温。但到左攞饮品果时，店员B同我讲话要量度番体温先有得堂食㖞。然后，店员A先同番店员B讲已经量度左啦。我会两面睇既，值得一赞既系店员们都会严谨遵守番指示，帮堂食客人量度番体温。但弹既位就系，店员之间沟通可以做好D，话晒量完体温又比另一个人话未量，系会令人非常之混乱。😵另外，店舖地方吾算太大，位置吾算多，大家要留意番。